energy.gov.au

energy.gov.au

energy-theme-default

[Sudanese] 5 أفكار ذكية عشان توفر الطاقة والقروش في بيتك

5 bright ideas for saving energy and money in your home
Publisher
Department of the Environment and Energy
Date

عشان أسعار بتاع طاقة غالي، في ناس كتيرين مننا بقو يفتشو عن طرق عشان ما يستهلكو الطاقة كتير في البيت. والكلام الكويس هو أنو في حاجات كتيرة وبسيطة انت ممكن تعملو هسي بدون أي تكلفة. ولمّن انت تجرِّب أفكار دي وتعمل شوية تغييرات في عاداتك اليومية، انت ممكن توفر قروش وتساعد في محافظة على البيئة وبرضو تكون مرتاح.

1تقليل استعمال الموية الحار

الموية الحار ده بكون هو السبب في نسبة 25 في المائة من متوسّط فاتورة الطاقة بتاع بيتك. انت ممكن تعمل حاجات تقلل بيو صرف موية حار زي غسيل الهدوم بالموية الباردة والانتظار لغاية ما غسالة بتاعتك يتملي كلو، وعدم تشغيل غسالة الصحون إلاّ لما تكون مليانة، وتركيب رأس مرشّة للدشّ بكب شوية شوية (ممكن مرشة ده يوفر قروش بتاعتو في وكت قصير) وتقليل مدة حمام بتاعك.

2إختيار أجهزة كهربائية بوفر طاقة

أجهزة كهربائية في بيتك ممكن تكون مسؤولة عما يصل إلى ثلث فاتورة الطاقة بتاعتك. ولو انت داير تشتري تلاجة جديدة أو فريزر أو تلفزيون أو غسالة أو نشافة هدوم أو غسالة صحون أو مكيِّف هواء، انت لازم تفتش عن ملصق تصنيف استهلاك الطاقة—لأنو كلما نجوم كانت كتيرة، معناو منتج ده بستهلك طاقة شوية. الموديلات نجوم بتاعو كتيرة يمكن يكون سعرو غالي، ولكن لمّن تختار منتجات عدد نجوم بتاعو أقلّ وسعرو أقل يمكن كلام ده يكلفك قروش أكتر على المدى الطويل.

3إستعمال الأجهزة الكهربائية بحكمة

'الطاقة الاحتياطية' المستخدَمة في منتجات زي أفران الميكرويف، أو أجهزة التلفزيون ولوحات تشغيل أجهزة اللعب يمكن تكون مسؤولة عن قيمة 10 في المائة من فاتورة الكهرباء. لو كان في أي نور خفيف أو ساعة—في أجهزة دي كلام ده معناو أنها بتستهلك طاقة. انت ممكن تخفض تكاليف التشغيل عن طريق فصل الأجهزة من البلك الكهربائي لمّن الأجهزة ما تكون شغالة، وعن طريق التخلص من أي برادات وفريزرات إضافية انت ما محتاج ليو، وتنشيف الهدوم على حبل الغسيل بدلاً من نشافة الهدوم الكهربائية.

4التدفئة والتبريد بكفاءة

كلما تزيد درجة تدفئة أو تبريد، بزيد استخدام الطاقة حوالى 5 إلى 10 في المائة. ولو انت داير تتحكم في فواتيرك، فكر في ضبط ترموستات التدفئة على 18-20 درجة مئوية في فصل الشتاء، وعلى 25-27 درجة مئوية في الصيف. انت ممكن تستفيد كتير من الطاقة البتستعملها عن طريق إغلاق الأبواب الداخلية وتدفئة أو تبريد الغرف البتستعملها بس.

5استعمال مصدات الهواء تحت الأبواب في بيتك

مصدات الهواء تحت الأبواب في البيت ده طريقة رخيصة وساهلة عشان تحافظ على الراحة في بيتك وعشان توفر ما يصل إلى ربع تكلفة بتاعت التدفئة والتبريد. سدّ الثغرات بتاعت الأبواب والأرضيات والشبابيك وألواح منع تسرّب الهواء، واستعمال مصدات ملفوفة 'كالنقانق' مليانة بالرملة أو الأقمشة دي كلها خيارات 'انت بتعملو براك'.

لو انت داير تعرف معلومات زيادة وتوفر زيادة؟

في مجموعة كبيرة من النصائح العملية عن تقليل تكاليف الطاقة والنفايات والموية والتنقل، وبرضو في معلومات عن المساعدات الحكومية، بالانجليزي في موقع انترنت ده energy.gov.au.